ਤਾਜਾ ਖ਼ਬਰਾਂ
- ਲੋਕ ਸਭਾ ’ਚ ‘ਦਿ ਅਪਰੋਪ੍ਰੀਏਸ਼ਨ ਬਿੱਲ, 2023’ ਪਾਸ, ਸਦਨ ਭਲਕੇ 24 ਮਾਰਚ ਤੱਕ ਮੁਲਤਵੀ
- ਲੋਕ ਸਭਾ ’ਚ ‘ਦਿ ਅਪਰੋਪ੍ਰੀਏਸ਼ਨ ਬਿੱਲ, 2023’ ਪਾਸ, ਸਦਨ ਭਲਕੇ 24 ਮਾਰਚ ਤੱਕ ਮੁਲਤਵੀ
- ‘ਏਸ ਜਹਾਨੋਂ ਦੂਰ ਕਿਤੇ-ਚੱਲ ਜਿੰਦੀਏ’ 7 ਅਪ੍ਰੈਲ ਨੂੰ ਆਵੇਗੀ ਸਿਨੇਮਾਘਰਾਂ ’ਚ
-
ਚੰਡੀਗੜ੍ਹ, 23 ਮਾਰਚ- ਘੈਂਟ ਬੁਆਏਜ਼ ਐਂਟਰਟੇਨਮੈਂਟ ਤੇ ਨੀਰੂ ਬਾਜਵਾ ਐਂਟਰਟੇਨਮੈਂਟ ਵਲੋਂ ਪੇਸ਼ ਕੀਤੀ ਗਈ ਅਤੇ ਹੈਰੀ ਕਾਹਲੋਂ, ਕੁਲਵਿੰਦਰ ਬਿੱਲਾ ਅਤੇ ਸੰਤੋਸ਼ ਸੁਭਾਸ਼ ਥੀਟੇ ਵਲੋਂ ਬਣਾਈ ਗਈ ਫ਼ਿਲਮ ‘ਏਸ ਜਹਾਨੋਂ ਦੂਰ ਕਿਤੇ-ਚੱਲ ਜਿੰਦੀਏ’ 7 ਅਪ੍ਰੈਲ ਨੂੰ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫ਼ਿਲਮ ਨੂੰ ਪੰਜਾਬ....
- ਪੁਲਿਸ ਕਿਸੇ ਨੂੰ ਵੀ ਬੇਵਜ੍ਹਾ ਪਰੇਸ਼ਾਨ ਨਹੀਂ ਕਰੇਗੀ- ਆਈ.ਜੀ.
- ਚੰਡੀਗੜ੍ਹ, 23 ਮਾਰਚ- ਆਈ. ਜੀ. ਸੁਖਚੈਨ ਸਿੰਘ ਗਿੱਲ ਨੇ ਦੱਸਿਆ ਕਿ ਹਰਿਆਣਾ ਦੇ ਸ਼ਾਹਬਾਦ ਵਿਚ ਅੰਮ੍ਰਿਤਪਾਲ ਦੀ ਨਵੀਂ ਲੋਕੇਸ਼ਨ ਮਿਲੀ ਹੈ। ਪੁਲਿਸ ਅਨੁਸਾਰ ਉਹ 19 ਮਾਰਚ ਨੂੰ ਇੱਥੇ ਪਹੁੰਚਿਆ ਸੀ। ਉਨ੍ਹਾਂ ਅੱਗੇ ਕਿਹਾ ਕਿ ਅਸੀਂ ਕਿਸੇ ਨੂੰ ਵੀ ਟਾਰਚਰ ਨਹੀਂ ਕੀਤਾ ਅਤੇ ਨਾ ਹੀ ਅਜਿਹਾ ਕੀਤਾ.....
- 30 ਮੁਲਜ਼ਮਾਂ ਦੀ ਹੋਵੇਗੀ ਗਿ੍ਫ਼ਤਾਰੀ, ਬਾਕੀਆਂ ਨੂੰ ਚਿਤਾਵਨੀ ਦੇ ਕੇ ਛੱਡ ਦਿੱਤਾ ਜਾਵੇਗਾ- ਆਈ. ਜੀ.
- ਚੰਡੀਗੜ੍ਹ, 23 ਮਾਰਚ- ਅੰਮ੍ਰਿਤਪਾਲ ਮਾਮਲੇ ਵਿਚ ਪੰਜਾਬ ਪੁਲਿਸ ਦੇ ਆਈ. ਜੀ. ਸੁਖਚੈਨ ਸਿੰਘ ਗਿੱਲ ਵਲੋਂ ਪ੍ਰੈਸ ਕਾਨਫ਼ਰੰਸ ਕਰ ਜਾਣਕਾਰੀ ਦਿੱਤੀ ਗਈ ਕਿ ਇਸ ਮਾਮਲੇ ਵਿਚ ਹੁਣ ਤੱਕ 207 ਮੁਲਜ਼ਮ ਡਿਟੇਨ ਕੀਤੇ ਗਏ ਹਨ, ਜਿਨ੍ਹਾਂ ਵਿਚੋਂ ਸਿਰਫ਼...
- ਕੋਟਕਪੂਰਾ ਗੋਲੀ ਕਾਂਡ ਮਾਮਲਾ: ਸਾਬਕਾ ਡੀ.ਜੀ.ਪੀ. ਸੁਮੇਧ ਸੈਣੀ, ਆਈ.ਜੀ. ਪਰਮਰਾਜ ਉਮਰਾਨੰਗਲ ਅਤੇ ਐਸ.ਪੀ. ਚਰਨਜੀਤ ਸ਼ਰਮਾ ਨੂੰ ਹਾਈ ਕੋਰਟ ਤੋਂ ਮਿਲੀ ਅੰਤਰਿਮ ਜ਼ਮਾਨਤ
- ਕੋਟਕਪੂਰਾ ਗੋਲੀ ਕਾਂਡ ਮਾਮਲਾ: ਸਾਬਕਾ ਡੀ.ਜੀ.ਪੀ. ਸੁਮੇਧ ਸੈਣੀ, ਆਈ.ਜੀ. ਪਰਮਰਾਜ ਉਮਰਾਨੰਗਲ ਅਤੇ ਐਸ.ਪੀ. ਚਰਨਜੀਤ ਸ਼ਰਮਾ ਨੂੰ ਹਾਈ ਕੋਰਟ ਤੋਂ ਮਿਲੀ ਅੰਤਰਿਮ ਜ਼ਮਾਨਤ
- ਕਰਜ਼ੇ ਤੋਂ ਤੰਗ ਪਤੀ-ਪਤਨੀ ਨੇ ਫ਼ਾਹਾ ਲੈ ਕੀਤੀ ਖ਼ੁਦਕੁਸ਼ੀ
-
ਲਹਿਰਾਗਾਗਾ, 23 ਮਾਰਚ (ਅਸ਼ੋਕ ਗਰਗ, ਕੰਵਲਜੀਤ ਸਿੰਘ ਢੀਂਡਸਾ) – ਲਹਿਰਾਗਾਗਾ ਦੇ ਨੇੜਲੇ ਪਿੰਡ ਬਖੋਰਾ ਕਲਾਂ ਵਿਖੇ ਕਰਜ਼ੇ ਅਤੇ ਗਰੀਬੀ ਤੋਂ ਤੰਗ ਆ ਕੇ ਮਜ਼ਦੂਰ ਪਤੀ-ਪਤਨੀ ਨੇ ਇਕੱਠਿਆਂ ਫ਼ਾਹਾ ਲੈ ਕੇ ਆਪਣੀ ਜੀਵਨ ਲੀਲਾ ਸਮਾਪਤ ਕਰ ਲਈ ਹੈ। ਮ੍ਰਿਤਕ ਆਪਣੇ ਪਿੱਛੇ 2 ਨਾਬਾਲਗ ਬੱਚੇ ਛੱਡੇ ਗਏ ਹਨ। ਮ੍ਰਿਤਕ ਦੀ ਪਛਾਣ ਕਾਲਾ...
- ਸਿੱਖ ਨੌਜਵਾਨਾਂ ਦੀ ਫ਼ੜੋ-ਫ਼ੜਾਈ ਲਈ ਭਾਈ ਮੰਡ ਤੇ ਹੋਰ ਆਗੂਆਂ ਨੇ ਮੁੱਖ ਮੰਤਰੀ ਪੰਜਾਬ ਤੇ ਕੇਂਦਰ ਸਰਕਾਰ ਦੀ ਕੀਤੀ ਨਿੰਦਾ
- ਅੰਮ੍ਰਿਤਸਰ, 23 ਮਾਰਚ (ਜਸਵੰਤ ਸਿੰਘ ਜੱਸ)- ਸਰਬੱਤ ਖ਼ਾਲਸਾ ਵਲੋਂ ਥਾਪੇ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਕਾਰਜਕਾਰੀ ਜਥੇਦਾਰ ਭਾਈ ਧਿਆਨ ਸਿੰਘ ਮੰਡ ਅਤੇ ਹੋਰ ਸਿੱਖ ਆਗੂਆਂ ਨੇ ਪੰਜਾਬ ਵਿਚ ਸਿੱਖ ਨੌਜਵਾਨਾਂ ਦੀ ਫ਼ੜੋ-ਫ਼ੜਾਈ ਅਤੇ ਉਨ੍ਹਾਂ ’ਤੇ ਐਨ. ਐਸ. ਏ. ਵਰਗੀਆਂ ਧਾਰਾਵਾਂ ਲਾਏ ਜਾਣ ਦੀ ਨਿੰਦਾ ਕਰਦਿਆਂ ਕਿਹਾ ਹੈ ਕਿ...
- ਸ਼ਹਿਰ ਦੇ ਬਾਹਰਵਾਰ ਦਰਜਨ ਦੇ ਕਰੀਬ ਲਿਖੇ ਖ਼ਾਲਿਸਤਾਨ ਜ਼ਿੰਦਾਬਾਦ ਦੇ ਨਾਅਰੇ
-
ਮਾਹਿਲਪੁਰ, 23 ਮਾਰਚ (ਰਜਿੰਦਰ ਸਿੰਘ)- ਬੀਤੀ ਦੇਰ ਰਾਤ ਸ਼ਰਾਰਤੀ ਅਨਸਰਾਂ ਵਲੋਂ ਮਾਹਿਲਪੁਰ ਸ਼ਹਿਰ ਦੇ ਬਾਹਰਵਾਰ ਮਾਹਿਲਪੁਰ –ਚੰਡੀਗੜ੍ਹ ਰੋਡ ’ਤੇ ਇਕ ਪੈਟਰੋਲ ਪੰਪ ਅਤੇ ਪੁੱਲ ਦੇ ਦੋਵੇਂ ਪਾਸੇ ਦਰਜਨ ਵੱਧ ਖ਼ਾਲਿਸਤਾਨ ਜ਼ਿੰਦਾਬਾਦ ਦੇ ਨਾਅਰੇ ਲਿਖੇ ਨਜ਼ਰ ਆਏ। ਪੁਲਿਸ ਕਰਮਚਾਰੀਆਂ......
- ਹਰਿਆਣਾ ਦੇ ਸ਼ਾਹਾਬਾਦ ’ਚ ਅੰਮ੍ਰਿਤਪਾਲ ਸਿੰਘ ਨੂੰ ਪਨਾਹ ਦੇਣ ਵਾਲੀ ਔਰਤ ਕਾਬੂ: ਪੁਲਿਸ
- ਸ਼ਾਹਬਾਦ ਮਾਰਕੰਡਾ, 23 ਮਾਰਚ (ਵਿਜੇ ਕੁਮਾਰ)- ਪੁਲਿਸ ‘ਵਾਰਿਸ ਪੰਜਾਬ ਦੇ’ ਦੇ ਮੁਖੀ ਅਤੇ ਖ਼ਾਲਿਸਤਾਨ ਸਮਰਥਕ ਅੰਮ੍ਰਿਤਪਾਲ ਸਿੰਘ ਦੀ ਭਾਲ ਕਰ ਰਹੀ ਹੈ। ਪੁਲਿਸ ਵਲੋਂ ਇਸ ਲਈ ਲਗਾਤਾਰ ਛਾਪੇਮਾਰੀ ਜਾਰੀ ਹੈ। ਅੰਮ੍ਰਿਤਪਾਲ ਸਿੰਘ 19, 20 ਅਤੇ 21 ਮਾਰਚ ਨੂੰ ਪੰਜਾਬ ਨਾਲ ਲੱਗਦੇ ਹਰਿਆਣਾ ਰਾਜ ਦੇ ਕੁਰੂਕਸ਼ੇਤਰ....
- ਅੰਮ੍ਰਿਤਪਾਲ ਦਾ ਗੰਨਮੈਨ ਤਜਿੰਦਰ ਸਿੰਘ ਗਿੱਲ ਗਿ੍ਫ਼ਤਾਰ- ਡੀ.ਐਸ.ਪੀ.
-
ਖੰਨਾ, 23 ਮਾਰਚ- ਇੱਥੋਂ ਦੇ ਡੀ.ਐਸ.ਪੀ. ਹਰਸਿਮਰਤ ਸਿੰਘ ਨੇ ਦੱਸਿਆ ਕਿ ਇਕ ਵਿਅਕਤੀ ਜਿਸ ਦੀ ਪਛਾਣ ਤਜਿੰਦਰ ਸਿੰਘ ਗਿੱਲ ਵਜੋਂ ਹੋਈ ਹੈ, ਨੂੰ ਗਿ੍ਰਫ਼ਤਾਰ ਕੀਤਾ ਗਿਆ ਹੈ। ਉਹ ਅੰਮ੍ਰਿਤਪਾਲ ਸਿੰਘ ਕੋਲ ਗੰਨਮੈਨ ਵਜੋਂ ਕੰਮ ਕਰਦਾ ਸੀ। ਸੋਸ਼ਲ ਮੀਡੀਆ ’ਤੇ ਉਸ ਦੀਆਂ ਹਥਿਆਰਾਂ ਨਾਲ ਲੈਸ ਕਈ ਤਸਵੀਰਾਂ ਦੇਖੀਆਂ.....
- ਲੋਕ ਸਭਾ ਦੀ ਕਾਰਵਾਈ ਸ਼ਾਮ 6 ਵਜੇ ਤੱਕ ਮੁਲਤਵੀ
- ਨਵੀਂ ਦਿੱਲੀ, 23 ਮਾਰਚ- ਅਡਾਨੀ ਮਾਮਲੇ ਦੀ ਜੇ.ਪੀ.ਸੀ. ਜਾਂਚ ਦੀ ਮੰਗ ਨੂੰ ਲੈ ਕੇ ਵਿਰੋਧੀ ਧਿਰ ਦੇ ਹੰਗਾਮੇ ਦਰਮਿਆਨ ਲੋਕ ਸਭਾ ਦੀ ਕਾਰਵਾਈ ਸ਼ਾਮ 6 ਵਜੇ ਤੱਕ ਮੁਲਤਵੀ...
- ਰਾਹੁਲ ਗਾਂਧੀ ਦੀ ਲੋਕਤੰਤਰੀ ਟਿੱਪਣੀ ਅਤੇ ਅਡਾਨੀ ਮੁੱਦੇ 'ਤੇ ਹੰਗਾਮੇ ਦਰਮਿਆਨ ਰਾਜ ਸਭਾ ਦੀ ਕਾਰਵਾਈ ਦਿਨ ਭਰ ਲਈ ਮੁਲਤਵੀ
- ਰਾਹੁਲ ਗਾਂਧੀ ਦੀ ਲੋਕਤੰਤਰੀ ਟਿੱਪਣੀ ਅਤੇ ਅਡਾਨੀ ਮੁੱਦੇ 'ਤੇ ਹੰਗਾਮੇ ਦਰਮਿਆਨ ਰਾਜ ਸਭਾ ਦੀ ਕਾਰਵਾਈ ਦਿਨ ਭਰ ਲਈ ਮੁਲਤਵੀ
- ਅੰਮ੍ਰਿਤਪਾਲ ਦੇ ਸਾਥੀ ਦੋ ਦਿਨਾਂ ਪੁਲਿਸ ਰਿਮਾਂਡ ’ਤੇ
-
ਅਜਨਾਲਾ, 23 ਮਾਰਚ (ਗੁਰਪ੍ਰੀਤ ਸਿੰਘ ਢਿੱਲੋਂ)- ਅਦਾਲਤ ਵਲੋਂ ਅੰਮ੍ਰਿਤਪਾਲ ਦੇ 10 ਸਾਥੀਆਂ ਨੂੰ ਦੋ ਦਿਨ ਦੇ ਪੁਲਿਸ ਰਿਮਾਂਡ ’ਤੇ ਭੇਜ ਦਿੱਤਾ ਗਿਆ ਹੈ।
- ਅਸਾਮ: ਜੇਲ੍ਹ ਵਿਚ ਬੰਦ ਅੰਮ੍ਰਿਤਪਾਲ ਦੇ ਸਾਥੀ 24 ਘੰਟੇ ਨਿਗਰਾਨੀ ਹੇਠ- ਜੇਲ੍ਹ ਅਧਿਕਾਰੀ
- ਡਿਬਰੂਗੜ੍ਹ (ਅਸਾਮ), 23 ਮਾਰਚ- ਡਿਬਰੂਗੜ੍ਹ ਕੇਂਦਰੀ ਜੇਲ੍ਹ ਦੇ ਇਕ ਅਧਿਕਾਰੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜੇਲ੍ਹ ਵਿਚ ਬੰਦ ਕੱਟੜਪੰਥੀ ਪ੍ਰਚਾਰਕ ਅੰਮ੍ਰਿਤਪਾਲ ਸਿੰਘ ਦੇ ਚਾਚਾ ਸਮੇਤ ਸੱਤ ਸਾਥੀਆਂ ਨੂੰ ਸੀ.ਸੀ.ਟੀ.ਵੀ. ਦੀ 24 ਘੰਟੇ ਨਿਗਰਾਨੀ ਹੇਠ ਵੱਖ-ਵੱਖ ਕੋਠੜੀਆਂ ਵਿਚ ਰੱਖਿਆ ਗਿਆ ਹੈ। ਉਨ੍ਹਾਂ ਕਿਹਾ ਕਿ....
- ਵਿਸ਼ਵ ਬੈਂਕ ਦੇ ਪ੍ਰਧਾਨ ਲਈ ਅਮਰੀਕੀ ਉਮੀਦਵਾਰ ਅਜੈ ਬੰਗਾ ਅੱਜ ਤੋਂ ਭਾਰਤ ਦੌਰੇ ’ਤੇ
-
ਵਾਸ਼ਿੰਗਟਨ, 23 ਮਾਰਚ- ਵਿਸ਼ਵ ਬੈਂਕ ਦੇ ਪ੍ਰਧਾਨ ਲਈ ਅਮਰੀਕੀ ਉਮੀਦਵਾਰ ਅਜੈ ਬੰਗਾ ਅੱਜ ਤੋਂ ਦਿੱਲੀ ਦੇ ਦੋ ਦਿਨਾਂ ਦੌਰੇ ’ਤੇ ਹੋਣਗੇ, ਜਿੱਥੇ ਉਹ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਅਤੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨਾਲ ਮੁਲਾਕਾਤ ਕਰਨਗੇ ਅਤੇ ਭਾਰਤ ਦੀਆਂ....
- ਆਂਧਰਾ ਪ੍ਰਦੇਸ਼: ਇਮਾਰਤ ਡਿੱਗਣ ਨਾਲ 3 ਲੋਕਾਂ ਦੀ ਮੌਤ
- ਅਮਰਾਵਤੀ, 23 ਮਾਰਚ- ਵਿਸ਼ਾਖ਼ਾਪਟਨਮ ਦੇ ਕਲੈਕਟਰੇਟ ਨੇੜੇ ਰਾਮਜੋਗੀ ਪੇਟਾ ਵਿਚ ਬੀਤੀ ਰਾਤ ਇਕ ਤਿੰਨ ਮੰਜ਼ਿਲਾ ਇਮਾਰਤ ਡਿੱਗਣ ਕਾਰਨ 3 ਲੋਕਾਂ ਦੀ ਮੌਤ ਹੋ ਗਈ ਅਤੇ 3 ਜ਼ਖ਼ਮੀ ਹੋ ਗਏ। ਪ੍ਰਸ਼ਾਸ਼ਨ ਵਲੋਂ ਖ਼ੋਜ ਅਤੇ...
- ਭਾਜਪਾ ਨੇ ਖ਼ੂਨਦਾਨ ਕੈਂਪ ਲਗਾ ਮਨਾਇਆ ਸ਼ਹੀਦੀ ਦਿਹਾੜਾ
-
ਅੰਮ੍ਰਿਤਸਰ, 23 ਮਾਰਚ (ਹਰਮਿੰਦਰ ਸਿੰਘ)- ਭਗਤ ਸਿੰਘ, ਰਾਜਗੁਰੂ ਅਤੇ ਸੁਖਦੇਵ ਦਾ ਸ਼ਹੀਦੀ ਦਿਨ ਭਾਜਪਾ ਵਲੋਂ ਖ਼ੂਨਦਾਨ ਕੈਂਪ ਲਗਾ ਕੇ ਮਨਾਇਆ ਗਿਆ। ਕੈਂਪ ਦਾ ਉਦਘਾਟਨ ਭਾਜਪਾ ਦੇ ਕੌਮੀ ਜਨਰਲ ਸਕੱਤਰ ਤਰੁਣ ਚੁੱਘ ਵਲੋਂ ਕੀਤਾ ਗਿਆ। ਇਸ ਮੌਕੇ ਰਾਜਿੰਦਰ ਮੋਹਨ ਸਿੰਘ ਛੀਨਾ, ਡਾ. ਰਾਜ ਕੁਮਾਰ ਵੇਰਕਾ.....
- ਅੰਮ੍ਰਿਤਪਾਲ ਦੇ ਸਾਥੀਆਂ ਦੀ ਅਜਨਾਲਾ ਵਿਚ ਦਰਜ ਮੁਕੱਦਮਿਆਂ ਸੰਬੰਧੀ ਅਦਾਲਤ ’ਚ ਪੇਸ਼ੀ
-
ਅਜਨਾਲਾ, 23 ਮਾਰਚ (ਗੁਰਪ੍ਰੀਤ ਸਿੰਘ ਢਿੱਲੋਂ)- ਅੰਮ੍ਰਿਤਪਾਲ ਦੇ ਸਾਥੀਆਂ ਨੂੰ ਅੱਜ ਅਜਨਾਲਾ ਵਿਚ ਦਰਜ ਮੁੱਕਦਮਾ ਨੰਬਰ 29 ਤੇ 39 ਸੰਬੰਧੀ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਪੁਲਿਸ ਵਲੋਂ ਉਨ੍ਹਾਂ ਦਾ ਮੈਡੀਕਲ ਕਰਵਾਉਣ ਤੋਂ ਬਾਅਦ ਮੁੜ ਉਨ੍ਹਾਂ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾ ਸਕਦਾ ਹੈ। ਇਹ ਜਾਣਕਾਰੀ.....
- ਕੋਟਕਪੂਰਾ ਗੋਲੀਕਾਂਡ ਮਾਮਲੇ ਵਿਚ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਸੁਖਬੀਰ ਸਿੰਘ ਬਾਦਲ ਨੇ ਭਰੀ ਪੰਜ-ਪੰਜ ਲੱਖ ਰੁਪਏ ਦੀ ਜ਼ਮਾਨਤ
- ਫਰੀਦਕੋਟ, 23 ਮਾਰਚ (ਜਸਵੰਤ ਪੁਰਬਾ, ਸਰਬਜੀਤ ਸਿੰਘ)- ਕੋਟਕਪੂਰਾ ਗੋਲੀਕਾਂਡ ਮਾਮਲੇ ਵਿਚ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ, ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਬਾਦਲ ਤੇ ਤਤਕਾਲੀ ਐਸ.ਐਸ.ਪੀ. ਸੁਖਮੰਦਰ ਸਿੰਘ ਮਾਨ ਫਰੀਦਕੋਟ ਅਦਾਲਤ ਵਿਚ ਪੇਸ਼ੀ ਭੁਗਤਣ ਲਈ ਪਹੁੰਚੇ। ਅਦਾਲਤ ਵਲੋ ਤਿੰਨਾਂ ਦੇ....
- ਅੰਮ੍ਰਿਤਪਾਲ ਦੇ 10 ਸਾਥੀਆਂ ਨੂੰ ਅਦਾਲਤ ਵਿਚ ਕੀਤਾ ਗਿਆ ਪੇਸ਼
-
ਅਜਨਾਲਾ, 23 ਮਾਰਚ (ਗੁਰਪ੍ਰੀਤ ਸਿੰਘ ਅਜਨਾਲਾ)- ਅੰਮ੍ਰਿਤਪਾਲ ਸਿੰਘ ਦੇ 10 ਸਾਥੀਆਂ ਨੂੰ ਸਖ਼ਤ ਸੁਰੱਖ਼ਿਆ ਪ੍ਰਬੰਧਾਂ ਹੇਠ....
- ਮੇਰਾ ਭਰਾ ਕਦੇ ਡਰਿਆ ਨਹੀਂ- ਪ੍ਰਿਅੰਕਾ ਗਾਂਧੀ
-
ਨਵੀਂ ਦਿੱਲੀ, 23 ਮਾਰਚ- ਰਾਹੁਲ ਗਾਂਧੀ ਨੂੰ ਉਨ੍ਹਾਂ ਵਲੋਂ ਕੀਤੀ ਮੋਦੀ ਸਰਨੇਮ ਟਿੱਪਣੀ ਵਿਚ ਦੋਸ਼ੀ ਪਾਏ ਜਾਣ ਤੋਂ ਬਾਅਦ ਕਾਂਗਰਸ ਦੀ ਜਨਰਲ ਸਕੱਤਰ ਪ੍ਰਿਅੰਕਾ ਗਾਂਧੀ ਵਾਡਰਾ ਨੇ ਟਵੀਟ ਕੀਤਾ ਹੈ। ਉਨ੍ਹਾਂ ਕਿਹਾ ਕਿ ਮੇਰਾ ਭਰਾ...
- ਕੋਟਕਪੂਰਾ ਗੋਲੀ ਕਾਂਡ ਮਾਮਲਾ: ਕੇਸ ਸਿਆਸਤ ਤੋਂ ਪ੍ਰਭਾਵਿਤ- ਸੁਖਬੀਰ ਸਿੰਘ ਬਾਦਲ
- ਫ਼ਰੀਦਕੋਟ, 23 ਮਾਰਚ (ਜਸਵੰਤ ਸਿੰਘ ਪੁਰਬਾ, ਸਰਬਜੀਤ ਸਿੰਘ)-ਸ਼੍ਰੋਮਣੀ ਅਕਾਲੀ ਦਲ ਦੇ ਸਰਪ੍ਰਸਤ ਅਤੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਅੱਜ 12:30 ਵਜੇ ਫ਼ਰੀਦਕੋਟ ਅਦਾਲਤ ਵਿਚ ਕੋਟਕਪੂਰਾ ਗੋਲੀਕਾਂਡ ਮਾਮਲੇ ’ਚ ਪੇਸ਼ ਹੋਏ। ਪੇਸ਼ੀ....
- ਮੇਰਾ ਧਰਮ ਸੱਚ ਤੇ ਅਹਿੰਸਾ ’ਤੇ ਆਧਾਰਤ- ਰਾਹੁਲ ਗਾਂਧੀ
-
ਨਵੀਂ ਦਿੱਲੀ, 23 ਮਾਰਚ- ਕਥਿਤ ‘ਮੋਦੀ ਸਰਨੇਮ’ ਟਿੱਪਣੀ ਵਿਚ ਦੋਸ਼ੀ ਪਾਏ ਜਾਣ ਤੋਂ ਬਾਅਦ ਰਾਹੁਲ ਗਾਂਧੀ ਨੇ ਟਵੀਟ ਕਰਦਿਆਂ ਕਿਹਾ ਕਿ ਮੇਰਾ ਧਰਮ ਸੱਚ ਅਤੇ ਅਹਿੰਸਾ...
- ਪ੍ਰਕਾਸ਼ ਸਿੰਘ ਬਾਦਲ ਅਤੇ ਸੁਖਬੀਰ ਸਿੰਘ ਬਾਦਲ ’ਤੇ ਦਰਜ ਝੂਠੇ ਕੇਸ ਸਾਬਤ ਨਹੀਂ ਹੋਣਗੇ- ਬਿਕਰਮ ਸਿੰਘ ਮਜੀਠੀਆ
- ਫਰੀਦਕੋਟ, 23 ਮਾਰਚ- ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਤੇ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਸਿੰਘ ਬਾਦਲ ਦੀ ਅੱਜ ਇੱਥੇ ਹੋਣ ਵਾਲੀ ਪੇਸ਼ੀ ਦੌਰਾਨ ਸੀਨੀਅਰ ਅਕਾਲੀ ਆਗੂ ਬਿਕਰਮ ਸਿੰਘ ਮਜੀਠੀਆ ਸਮੇਤ ਕਈ ਅਕਾਲੀ ਆਗੂ ਅਦਾਲਤ ਪਹੁੰਚੇ। ਇਸ ਮੌਕੇ ਮਜੀਠੀਆ ਨੇ ਕਿਹਾ ਕਿ ਭਾਵੇਂ ਸਰਕਾਰ ਝੂਠੇ ਕੇਸ....
- ਪ੍ਰਕਾਸ਼ ਸਿੰਘ ਬਾਦਲ ਅਤੇ ਸੁਖਬੀਰ ਸਿੰਘ ਬਾਦਲ ਪਹੁੰਚੇ ਅਦਾਲਤ
-
ਫਰੀਦਕੋਟ, 23 ਮਾਰਚ (ਜਸਵੰਤ ਪੁਰਾਬਾ, ਸਰਬਜੀਤ ਸਿੰਘ)- ਕੋਟਕਪੂਰਾ ਗੋਲੀਕਾਂਡ ਮਾਮਲੇ ਵਿਚ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਸਾਬਕਾ ਉਪ ਮੁੱਖ ਮੰਤਰੀ ਸੁਖਬੀਰ ਬਾਦਲ ਫਰੀਦਕੋਟ ਅਦਾਲਤ ਵਿਚ ਪੇਸ਼ੀ ਭੁਗਤਣ ਲਈ ਪਹੁੰਚ ਚੁੱਕੇ ਹਨ ਅਤੇ ਮਾਣਯੋਗ...
- ਹੋਰ ਖ਼ਬਰਾਂ..
ਸਾਹਿਤ ਫੁਲਵਾੜੀ
ਲੜੀਵਾਰ ਨਾਵਲ-9-1947
ਤੁਸੀਂ ਪਿੱਛੇ ਪੜ੍ਹ ਚੁੱਕੇ ਹੋ :
ਅਜਮੇਰ ਪਿੰਡ ਢੱਡਰੀਆਂ ਨੂੰ ਜਾਣ ਲਈ ਕਾਮਰੇਡ ਅਮਰ ਦਾ ਘੋੜਾ ਲੈ ਆਇਆ। ਸਵੇਰੇ ਚਾਨਣਾ ਹੋਣ 'ਤੇ ਉਹ ਮਾਮਦੀਨ ਦੇ ਘਰੋਂ ਪੰਜੀਰੀ ਦੀ ਪੀਪੀ ਚੁੱਕੀ ਅਤੇ ਆਪਣੇ ਘਰੋਂ ਆਟਾ ਤੇ ਗੁੜ ਬੋਤੇ ਉੱਤੇ ਲੱਦ ਕੇ ਢੱਡਰੀਆਂ ਵੱਲ ਨੂੰ ਚਲ ਪਿਆ। ਰਾਹ 'ਚ ਪਿੰਡ ਹੀਰੋ : ਤੋਗਾਵਾਲ ਕੋਲ ਇਕ ਮੁਸਲਮਾਨ ਪਰਿਵਾਰ ਹੱਲਾਕਾਰੀਆਂ ਦੇ ਜ਼ੁਲਮ ਦਾ ਸ਼ਿਕਾਰ ਹੋਇਆ ਨਜ਼ਰ ਪਿਆ। ਉਸ ਪਰਿਵਾਰ ਦੇ ਇਕ ਬਜ਼ੁਰਗ ਨੂੰ ਛੱਡ ਕੇ ਬਾਕੀ ਸਾਰੇ ਜੀਅ ਮਾਰੇ ਜਾ ਚੁੱਕੇ ਸਨ। ਬਜ਼ੁਰਗ ਨੇ ਅਜਮੇਰ ਨੂੰ ਬੇਨਤੀ ਕੀਤੀ ਕਿ ਮੈਨੂੰ ਵੀ ਮਾਰ ਦੇ ਅੱਲਾ ਤੇਰਾ ਭਲਾ ਕਰੂ। ਬਜ਼ਰੁਗ ਜ਼ਖ਼ਮੀ ਹਾਲਤ 'ਚ ਪਰਿਵਾਰ ਤੋਂ ਬਿਨਾਂ ਜਿਊਣਾ ਨਹੀਂ ਚਾਹੁੰਦਾ ਸੀ। ਅਜਮੇਰ ਅਖੀਰ ਢੱਡਰੀਆਂ ਪਹੁੰਚ ਗਿਆ। ਪਿੰਡ ਦੇ ਬਾਹਰ ਉਜੜੇ ਲੋਕ ਇਕੱਠੇ ਹੋਏ ਬੈਠੇ ਸਨ। ਖਤੀਜਾ ਤੇ ਨਜ਼ੀਰਾਂ ਹੋਰੀ ਉਥੇ ਹੀ ਸਨ। ਨਜ਼ੀਰਾਂ ਨੇ ਅਜਮੇਰ ਨੂੰ ਕਿਹਾ ਕਿ ਮੈਂ ਪਾਕਿਸਤਾਨ ਨਹੀਂ ਜਾਣਾ, ਮੈਨੂੰ ਇੱਧਰ ਹੀ ਰੱਖ ਲੈ। ਅੱਜ ਅੱਗੇ ਪੜ੍ਹੋ :
ਕਾਮਰੇਡ ਅਮਰ ਨੇ ਇਕੱਠ ਕਰ ਕੇ ਸਾਰੇ ਪਿੰਡ ਦੇ ਦਿਮਾਗ਼ ਵਿਚ ਇਹ ਗੱਲ ਪਾਉਣ ਦੀ ਕੋਸ਼ਿਸ਼ ਕੀਤੀ ਸੀ ਕਿ ਮੁਸਲਮਾਨ ਵੀ ...
ਅਜਾਇਬ ਕਮਲ ਤੇ ਉਸ ਦੀ ਪ੍ਰਯੋਗਸ਼ੀਲ ਕਾਵਿ-ਸਾਧਨਾ
ਆਧੁਨਿਕ ਪੰਜਾਬੀ ਕਵਿਤਾ ਦੀ ਪ੍ਰਯੋਗਸ਼ੀਲ ਧਾਰਾ ਦੇ ਇਕ ਸਿਧਾਂਤਕਾਰ ਵਜੋਂ ਜਾਣੇ ਜਾਂਦੇ ਤੇ ਪੰਜਾਬੀ ਸਾਹਿਤ ਨੂੰ ਕਵਿਤਾ, ਗ਼ਜ਼ਲ, ਕਾਵਿ-ਨਾਟਕ, ਮਹਾਂ-ਕਾਵਿ, ਨਾਵਲ ਤੇ ਆਲੋਚਨਾ ਦੀਆਂ 50 ਤੋਂ ਉੱਪਰ ਪੁਸਤਕਾਂ ਦੇਣ ਵਾਲੇ ਅਜਾਇਬ ਕਮਲ ਹੁਰਾਂ ਦਾ ਜਨਮ 5 ਅਕਤੂਬਰ, 1932 ਨੂੰ ਪਿਤਾ ਜੰਗ ਸਿੰਘ ਤੇ ਮਾਤਾ ਰਾਏ ਕੌਰ ਦੇ ਜ਼ਿਮੀਂਦਾਰ ਪਰਿਵਾਰ 'ਚ ਪਿੰਡ ਡਾਂਡੀਆਂ, ਜ਼ਿਲ੍ਹਾ ਹੁਸ਼ਿਆਰਪੁਰ ਵਿਖੇ ਹੋਇਆ। ਉਨ੍ਹਾਂ ਮੁਢਲੀ ਸਿੱਖਿਆ ਖ਼ਾਲਸਾ ਸੀਨੀਅਰ ਸਕੂਲ ਬੱਡੋਂ ਤੋਂ ਪ੍ਰਾਪਤ ਕਰਨ ਉਪਰੰਤ 1954-55 ਵਿਚ ਸ੍ਰੀ ਗੁਰੂ ਗੋਬਿੰਦ ਸਿੰਘ ਖ਼ਾਲਸਾ ਕਾਲਜ ਮਾਹਿਲਪੁਰ ਪੜ੍ਹਦਿਆਂ ਕਵਿਤਾਵਾਂ ਤੇ ਗ਼ਜ਼ਲਾਂ ਲਿਖਣੀਆਂ ਆਰੰਭ ਕਰ ਦਿੱਤੀਆਂ ਸਨ। ਪੜ੍ਹਾਈ ਮੁਕੰਮਲ ਕਰਨ ਉਪਰੰਤ ਉਨ੍ਹਾਂ ਬੱਡੋਂ (ਨੇੜੇ ਮਾਹਿਲਪੁਰ) ਵਿਖੇ ਜੇ.ਬੀ.ਟੀ. ਕਲਾਸਾਂ ਨੂੰ ਪੜ੍ਹਾਉਣਾ ਸ਼ੁਰੂ ਕਰ ਦਿੱਤਾ।
ਅਜਾਇਬ ਕਮਲ ਤੇ ਉਸ ਦੇ ਪ੍ਰਯੋਗਸ਼ੀਲ ਸਾਥੀਆਂ ਨੇ ਕਵਿਤਾ ਦੇ ਖੇਤਰ 'ਚ ਬਦਲਾਅ ਤੇ ਨਵੇਂ ਪ੍ਰਯੋਗਾਂ ਦੀ ਜ਼ਰੂਰਤ ਨੂੰ ਮਹਿਸੂਸ ਕੀਤਾ। 1960 ਤੱਕ ਪਹੁੰਚਦਿਆਂ ਰੋਮਾਂਸਵਾਦੀ, ਪ੍ਰਗਤੀਵਾਦੀ ਧਾਰਾ ਦਾ ਜਲੌਅ ਮੱਠਾ ਪੈਣਾ ਸ਼ੁਰੂ ਹੋ ਗਿਆ ਸੀ। ਕਲਪਨਾ ...
ਹਾਸ ਵਿਅੰਗ-ਵੇ... ਉਹ ਤਾਂ ਕੱਲ੍ਹ ਆਏ ਸੀ!
ਕੇਰਾਂ ਪਿੱਛੇ ਜੇ ਸਿਖਰ ਦੁਪਹਿਰ ਵੇਲੇ ਮਾਮਾ-ਮਾਮੀ ਜੀ ਘਰ ਆਏ, ਸਾਰੇ ਟੱਬਰ ਤੋਂ ਚਾਅ ਨਾ ਚੱਕਿਆ ਜਾਵੇ, ਬੀਬੀ ਕਹੇ ਲੈ ਮੇਰੇ ਭਰਾ-ਭਰਜਾਈ ਆਏ ਨੇ ਮੈਂ ਵਾਰੇ ਜਾਵਾਂ...!! ਤੇ ਮੈਨੂੰ ਫੋਨ 'ਤੇ ਫੋਨ ਘਰੋਂ ਆਈ ਜਾਵੇ, 'ਵੇ ਪੁੱਤ ਛੇਤੀ ਛੇਤੀ ਘਰ ਨੂੰ ਬੌਹੜ ਤੇਰੇ ਮਾਮਾ ਮਾਮੀ ਆਏ ਨੇ।' ਮੈਨੂੰ ਯਾਦ ਐ ਜਿੰਨਾ ਚਿਰ ਮੈਂ ਘਰ ਨਾ ਪਹੁੰਚਿਆ ਮੈਨੂੰ ਫੋਨ ਹੀ ਆਈ ਜਾਣ। ਬੀਬੀ ਕਹੇ 'ਵੇ ਹੋਰ ਕਿੰਨਾ ਚਿਰ ਲੱਗਣੈ ਆਹ ਲੈ ਕੇ ਆ ਉਹ ਲੈ ਕੇ ਆ।' ਕਾਹਲ ਜੀ ਨਾਲ ਮੈਂ ਵੀ ਘਰ ਪਹੁੰਚਣ ਸਾਰ ਚਿੰਬੜ ਕੇ ਮਿਲਿਆ ਦੋਵਾਂ ਨੂੰ, ਉਧਰੋਂ ਚਾਚੀ ਅਮਰੋ ਨੂੰ ਵੀ ਜਦੋਂ ਪਤਾ ਲੱਗਾ ਖੈਰ-ਸੁੱਖ ਪੁੱਛਦੀ ਉਹ ਵੀ ਉਨ੍ਹਾਂ ਨਾਲ ਗੱਲਾਂਬਾਤਾਂ ਕਰਦੀ ਘੜੀ ਕੁ ਕੋਲ ਬੈਠੀ ਰਹੀ, ਦੁੱਖ-ਸੁੱਖ ਕਰਦੀ ਰਹੀ ਤੇ ਕੁਝ ਸਮੇਂ ਬਾਅਦ ਉਹ ਵੀ ਚਲੀ ਗਈ ਸੀ।
ਮੇਰੀ ਤੇ ਮਾਮੇ ਦੀ ਸਾਂਝ ਆੜੀਆਂ ਵਰਗੀ ਸੀ। ਅਸੀਂ ਜਦੋਂ ਵੀ ਮਿਲਦੇ ਆੜੀ ਬਣ ਕੇ ਹੱਥ ਮਿਲਾ ਕੇ ਮਿਲਦੇ ਤੇ ਘੰਟਿਆਂਬੱਧੀ ਗੱਲਾਂਬਾਤਾਂ ਕਰਦੇ-ਕਰਦੇ ਕਦੋਂ ਦੁਪਹਿਰ ਤੋਂ ਰਾਤ ਦੇ ਗਿਆਰਾਂ ਵੱਜ ਗਏ ਪਤਾ ਹੀ ਨਾ ਲੱਗਾ। ਤੜਕੇ ਸਦੇਹਾਂ ਜਿਹੇ ਉੱਠਦੇ ਫਤਹਿ ਬੁਲਾ ਕੇ ਫੇਰ ਸਾਰੇ ਇਕੱਠੇ ਜੇ ਹੋ ...
ਮਿੰਨੀ ਕਹਾਣੀਆਂ
ਪਾਰਖੂ ਨਜ਼ਰ
ਮਨਦੀਪ ਵਿਆਹ ਕੇ ਸਹੁਰੇ ਘਰ ਆਈ ਤਾਂ ਉਸ ਨੂੰ ਇਹ ਕੰਮ ਬਹੁਤ ਹੀ ਔਖਾ ਲਗਦਾ ਕਿ ਇੱਥੇ ਹਰ ਕੰਮ ਹੀ ਖ਼ੁਦ ਕਰਨਾ ਪੈਂਦਾ ਸੀ। ਕਿਸੇ ਵੀ ਕੰਮ ਲਈ ਕੋਈ ਵੀ ਕੰਮ ਵਾਲੀ ਨਹੀਂਸੀ। ਉਸ ਦਾ ਸਾਰਾ ਦਿਨ ਸਫ਼ਾਈਆਂ, ਕੱਪੜੇ, ਬਰਤਨ ਤੇ ਰੋਟੀ ਦੇ ਕੰਮਾਂ-ਕਾਰਾਂ ਵਿਚ ਹੀ ਬੀਤ ਜਾਂਦਾ ਤੇ ਰਾਤ ਤੱਕ ਉਹ ਥੱਕ ਕੇ ਚੂਰ ਹੋ ਜਾਂਦੀ ।
ਇੰਜ ਹੀ ਦਿਨ ਬੀਤ ਰਹੇ ਸੀ। ਪਰ ਜਦੋਂ ਉਹ ਪੇਕੇ ਆਉਂਦੀ ਤਾਂ ਉਸ ਨੂੰ ਇਹ ਗੱਲ ਬਹੁਤ ਮਹਿਸੂਸ ਹੁੰਦੀ। ਕਿਉਂਕਿ ਉੱਥੇ ਸਾਰੇ ਮੁੱਖ ਕੰਮਾਂ ਲਈ ਕੰਮਾਂ ਵਾਲੀਆਂ ਰੱਖੀਆਂ ਹੋਈਆਂ ਸੀ। ਉਸ ਦੀਆਂ ਭਾਬੀਆਂ ਪੂਰੀ ਐਸ਼ ਕਰਦੀਆਂ ।
ਇਹ ਸਭ ਦੇਖ ਕੇ ਉਹ ਖਿਝ ਜਾਂਦੀ ਤੇ ਰੋਂਦੀ-ਕੁਰਲਾਉਂਦੀ ਆਪਣੇ ਮਾਂ-ਪਿਓ ਨੂੰ ਕਹਿੰਦੀ, 'ਕੀ ਸਹੇੜ ਕੇ ਦਿੱਤਾ। ਸਾਰੀ ਦਿਹਾੜੀ ਕੰਮ ਹੀ ਸਾਹ ਨਹੀਂ ਲੈਂਦੇ। ਸਿਰ ਖੁਰਕਣ ਦੀ ਵੀ ਵਿਹਲ ਨਹੀਂ ਮਿਲਦੀ' ਤੇ ਉਹ ਰੋਣ ਲਗਦੀ। ਕੋਲ ਬੈਠੀ ਮਾਂ ਸਮਝਾਉਂਦੀ, 'ਪੁੱਤ ਫ਼ਿਕਰ ਨਾ ਕਰ। ਸਾਡਾ ਜਵਾਈ ਪੜ੍ਹਿਆ-ਲਿਖਿਆ ਹੈ ਤੇ ਹੈ ਵੀ ਪੂਰਾ ਮਿਹਨਤੀ।' ਕੋਲੋਂ ਹੀ ਪਿਓ ਵੀ ਸਿਰ 'ਤੇ ਹੱਥ ਰੱਖਦਿਆਂ ਕਹਿੰਦਾ, 'ਜਿਗਰਾ ਕਰ ਧੀਏ ਜਿਗਰਾ। ਮੁੰਡਾ ਨਿਰਾ ਸੋਨਾ ਏ। ਤੇਰੇ ...
ਯੋਗਦਾਨ
ਸੁਰਜੀਤ ਕੌਰ ਨੇ ਟੈਂਪੂ ਤੋਂ ਉਤਰ ਭਰਿਆ ਝੋਲਾ ਸਿਰ 'ਤੇ ਰੱਖਿਆ, ਕਾਹਲੀ-ਕਾਹਲੀ ਪੈਰ ਪੁੱਟਦੀ ਆਪਣੇ ਪੇਕੇ ਘਰ ਪਹੁੰਚ ਗਈ।
'ਬੀਬੀ ਏਹ ਕੀ? ਸਿਰ 'ਤੇ ਏਡਾ ਭਾਰਾ ਝੋਲਾ ਚੱਕਿਆ, ਸਾਨੂੰ ਫੋਨ ਕਰ ਦਿੰਦੀ। ਮੈਂ ਮੁੰਡੇ ਨੂੰ ਭੇਜ ਦਿੰਦੀ।' ਉਸ ਦੀ ਭਾਬੀ ਅਮਰੋ ਨੇ ਝੋਲਾ ਫੜਦਿਆਂ ਕਿਹਾ।
'ਨਿਆਣਿਆਂ ਦਾ ਫੁੱਫੜ ਪੰਜ ਛੇ ਪੇਟੀਆਂ ਚੁੱਕ ਲਿਆਇਆ ਸੀ। ਕਹਿੰਦਾ ਇਕ ਝੋਲਾ ਭਰ ਕੇ ਆਪਣੇ ਭਤੀਜਿਆਂ ਨੂੰ ਦੇ ਆ, ਦੋ ਦਿਨ ਖਾ ਲੈਣਗੇ।'
'ਮੈਂ ਵੀ ਇਹੀ ਸੋਚੀ ਜਾਂਦੈ ਬਈ ਅੱਗੇ ਤਾਂ ਭੂਆ ਕਦੇ ਪਾਈਆ ਬੇਰ, ਅਮਰੂਦ ਨਹੀਂ ਲੈ ਕੇ ਆਈ, ਅੱਜ ਸੇਬਾਂ ਦਾ ਝੋਲਾ ਕਿੱਥੋਂ ਭਰ ਲਿਆਈ। ਲੱਗਦੈ ਸੇਬਾਂ ਦੇ ਉਲਟੇ ਟਰੱਕ ਵਿਚ ਫੁੱਫੜ ਵੀ ਆਪਣਾ ਯੋਗਦਾਨ ਪਾ ਆਇਆ!' ਸੁਰਜੀਤ ਕੌਰ ਦਾ ਵੱਡਾ ਭਤੀਜਾ ਛਿੰਦਾ ਮਸ਼ਕਰੀ ਕਰਦਾ ਕਹਿਣ ਲੱਗਾ।
-ਨਿਊ ਮਾਡਲ ਟਾਊਨ, ਸਮਰਾਲਾ, ਜ਼ਿਲ੍ਹਾ ਲੁਧਿਆਣਾ।
ਮੋਬਾਈਲ : ...
ਸਪੀਡ ਬ੍ਰੇਕਰ
'ਹੁਣ ਬਾਹਰ ਨਿਕਲ ਕੇ ਵਿਖਾ, ਮੈਂ ਤੈਨੂੰ ਫੋਨ ਵਿਚ ਬੰਦ ਕਰ ਦਿੱਤਾ ਹੈ। ਰਜਨੀ ਨੇ ਮਨ ਵਿਚ ਸੋਚਿਆ ਤੇ ਖ਼ੁਸ਼ ਹੋ ਕੇ ਕੰਮ ਕਰਨ ਲੱਗ ਪਈ। ਦਸ ਕੁ ਮਿੰਟ ਹੀ ਬੀਤੇ ਸਨ ਕਿ ਇਕ ਹੋਰ ਪ੍ਰਗਟ ਹੋ ਗਿਆ। ਉਸ ਨੂੰ ਸ਼ਾਂਤ ਕਰਨ ਤੋਂ ਬਾਅਦ ਰਜਨੀ ਨੇ ਮਸਾਂ ਅਜੇ ਖੈੜ੍ਹਾ ਛੁਡਾਇਆ ਹੀ ਸੀ ਕਿ ਏਨੇ ਵਿਚ ਇਕ ਹੋਰ ਫੋਨ ਆ ਬਹੁੜਿਆ।' 'ਹਾਏ ਰੱਬਾ, ਬਚਾਵੀਂ ਇਨ੍ਹਾਂ ਤੋਂ', ਕਹਿ ਕੇ ਫਿਰ ਤੋਂ ਉਸ ਦੀ ਗੱਲ ਸੁਣਨ ਲੱਗ ਪਈ।
ਬਾਜ਼ਾਰ ਤੋਂ ਸਬਜ਼ੀ-ਭਾਜੀ ਲਿਆ ਕੇ ਉਸ ਨੇ ਧੋ ਸਵਾਰ ਕੇ ਪੱਖੇ ਥੱਲੇ ਸੁੱਕਣੀ ਪਾ ਦਿੱਤੀ। ਆਹ ਚੁੱਕ, ਇਕ ਹੋਰ ਆ ਗਿਆ। 'ਕਿੱਥੇ ਰਹਿਨੀ ਐਂ, ਆਲੋਪ ਹੋ ਗਈ ਲਗਦੀ ਐਂ ਦੁਨੀਆ ਤੋਂ, ਹੋਰ ਸੁਣਾ ਕੀ ਹਾਲ ਐ', ਬਸ ਫੇਰ ਕੀ ਸੀ, 45 ਮਿੰਟ ਲੰਬੀ ਗੱਲਬਾਤ ਸ਼ੁਰੂ ਹੋ ਗਈ। ਲਗਾਤਾਰ ਬਕਬਕ ਸੁਣ ਕੇ ਰਜਨੀ ਪੱਕ ਗਈ ਸੀ। ਅਜੇ ਇਹ ਸੁਣ ਹੀ ਰਹੀ ਸੀ ਕਿ ਇਕ ਹੋਰ ਆਵਾਜ਼ ਪੈ ਗਈ। ਸੁਣਦਿਆਂ ਹੀ ਉਸ ਨੇ ਪਿਛਲੀ ਵਾਲੀ ਤੋਂ ਇਜਾਜ਼ਤ ਮੰਗੀ ਤੇ ਆਪਣਾ ਕੰਨ ਕਿਸੇ ਹੋਰ ਨੂੰ ਉਧਾਰ ਦੇ ਦਿੱਤਾ। ਲਗਭਗ 30 ਕੁ ਮਿੰਟ ਉਸ ਨੇ ਆਪਣੇ ਦੁੱਖੜੇ ਰੋ ਰੋ ਕੇ ਉਸ ਦੇ ਕੰਨ ਭਰ ਦਿੱਤੇ। ਪਿੱਛਾ ਛੁਡਾਉਣ ਲਈ ਰੱਜੋ (ਰਜਨੀ) ਹੱਸ ਕੇ ਬੋਲੀ, 'ਮੈਂ ਰੋਟੀ ਪਕਾ ...
ਦੋ ਗ਼ਜ਼ਲਾਂ
* ਡਾ. ਸਰਬਜੀਤ ਕੌਰ ਸੰਧਾਵਾਲੀਆ * ਹੰਝੂਆਂ ਦਾ ਹਿਸਾਬ ਕੀ ਦੇਵਾਂ। ਜ਼ਿੰਦਗੀ ਨੂੰ ਜਵਾਬ ਕੀ ਦੇਵਾਂ। ਨੀਂਦ ਮੁੱਦਤ ਤੋਂ ਹੀ ਨਹੀਂ ਆਈ, ਫੇਰ ਅੱਖੀਆਂ ਨੂੰ ਖ਼ਾਬ ਕੀ ਦੇਵਾਂ। ਮੇਰੇ ਲੂੰ ਲੂੰ 'ਚ ਵਗ ਰਿਹਾ ਤੂੰ ਹੀ, ਤੈਨੂੰ ਨੈਣਾਂ ਦਾ ਆਬ ਕੀ ਦੇਵਾਂ। ਸਾਰੇ ਸਾਜ਼ਾਂ 'ਚ ਥਿਰਕਦਾ ਤੂੰ ਹੀ, ਤੈਨੂੰ ਦਿਲ ਦਾ ਰਬਾਬ ਕੀ ਦੇਵਾਂ। ਸਾਰੇ ਮੈਖ਼ਾਨਿਆਂ ਦਾ ਤੂੰ ਮਾਲਕ, ਫੇਰ ਤੈਨੂੰ ਸ਼ਰਾਬ ਕੀ ਦੇਵਾਂ। ਤੂੰ ਕਹਾਉਂਦਾ ਹੈਂ ਪਿਆਰ ਦਾ ਸਾਗਰ, ਇਸ਼ਕ ਦਾ ਮੈਂ ਚਨਾਬ ਕੀ ਦੇਵਾਂ। ਰੰਗ ਰਸ ਰੂਪ ਦਾ ਹੈਂ ਤੂੰ ਜਲਵਾ, ਤੈਨੂੰ ਆਪਣਾ ਸ਼ਬਾਬ ਕੀ ਦੇਵਾਂ। ਸਾਰੇ ਫੁੱਲਾਂ 'ਚ ਤੇਰੀ ਖ਼ੁਸ਼ਬੂ ਹੈ, ਫੇਰ ਤੈਨੂੰ ਗੁਲਾਬ ਕੀ ਦੇਵਾਂ। ਤੂੰ ਮਹਾਂਨੂਰ ਹੈਂ ਮਹਾਂਚਾਨਣ, ਤੈਨੂੰ ਦੱਸ ਆਫ਼ਤਾਬ ਕੀ ...
* ਜ਼ੋਰਾਵਰ ਸਿੰਘ ਪੰਛੀ *
ਦੁਆ ਮਾਂ ਦੀ ਮਿਲੇ ਤਾਂ ਹਰ ਹਨੇਰਾ ਦੂਰ ਹੋ ਜਾਏ,
ਕਰੀ ਮਾਂ ਦੀ ਇਬਾਦਤ ਰੱਬ ਨੂੰ ਮਨਜ਼ੂਰ ਹੋ ਜਾਏ।
ਮੇਰੇ ਮਹਿਬੂਬ ਦੀ ਤਾਂ ਨਜ਼ਰ ਵੀ ਜਾਦੂਗਰਾਂ ਵਰਗੀ,
ਨਿਗਾਹ ਜੇ ਪਾ ਦਵੇ, ਪੱਥਰ ਵੀ ਕੋਹਿਨੂਰ ਹੋ ਜਾਏ।
ਬੜੀ ਮਦਹੋਸ਼ ਹੈ ਆਬੋ ਹਵਾ ਇਸ ਸ਼ਹਿਰ ਦੀ ਯਾਰੋ,
ਜਿਨ੍ਹਾਂ ਨੇ ਸਾਹ ਲਿਆ ਉਹ ਲਿਖਣ ਨੂੰ ਮਜਬੂਰ ਹੋ ਜਾਏ।
ਸੁਰੀਲੇ ਸੁਰ ਕਦੀ ਤਾਂ ਦੇ ਅਸਾਂ ਦੀ ਗ਼ਜ਼ਲ ਨੂੰ ਮਹਿਰਮ,
ਕਲਮ ਮੇਰੀ ਹਰਇਕ ਮਹਿਫਲ ਦੇ ਵਿਚ ਮਸ਼ਹੂਰ ਹੋ ਜਾਏ।
ਦਿਲਾਂ ਦਾ ਮੇਲ ਕੱਚੀ ਤੰਦ ਵਰਗਾ ਦੋਸਤਾ ਹੁੰਦੈ,
ਇਵੇਂ ਨਾ ਮੋੜ ਮੁੱਖ ਕਿ ਦਿਲ ਦਿਲਾਂ ਤੋਂ ਦੂਰ ਹੋ ਜਾਏ।
ਕਰਾਂ ਤਾਰੀਫ਼ ਕੀ ਉਸ ਚੌਧਵੀਂ ਦੇ ਚੰਨ ਦੀ ਯਾਰੋ,
ਧਰੇ ਜਿਸ ਨਾਚੀਜ਼ ਤੇ ਉਹ ਹੱਥ ਨੂਰੋਨੂਰ ਹੋ ਜਾਏ।
ਕਿਤੇ ਚੰਦਨ ਤਰ੍ਹਾਂ ਦਿਲ ਦੇ ਬਗੀਚੇ ਉਗ ਕਦੇ 'ਪੰਛੀ',
ਮਹਿਕ ਸਾਹਵਾਂ 'ਚ ਖਿਲਰੇ ਨਾਲ ਦਿਲ ਭਰਪੂਰ ਹੋ ਜਾਏ।
-ਮੋਬਾਈਲ : ...
