ਮਿਆਂਮਾਰ: ਆਂਗ ਸੂ ਕੀ ਨੂੰ ਜੇਲ੍ਹ ਤੋਂ ਲਿਆ ਘਰ ਵਿਚ ਕੀਤਾ ਨਜ਼ਬੰਦ
ਬੈਂਕਾਕ, 17 ਅਪ੍ਰੈਲ- ਮਿਆਂਮਾਰ ਦੀ ਜੇਲ੍ਹ ’ਚ ਬੰਦ ਸਾਬਕਾ ਨੇਤਾ ਆਂਗ ਸਾਨ ਸੂ ਕੀ ਨੂੰ ਤੇਜ਼ ਗਰਮੀ ਦੀ ਲਹਿਰ ਕਾਰਨ ਸਿਹਤ ਉਪਾਅ ਵਜੋਂ ਜੇਲ੍ਹ ਤੋਂ ਘਰ ’ਚ ਨਜ਼ਰਬੰਦ ਕਰ ਦਿੱਤਾ ਗਿਆ ਹੈ। ਸੂ ਕੀ ਕਈ ਤਰ੍ਹਾਂ ਦੇ ਅਪਰਾਧਿਕ ਦੋਸ਼ਾਂ ’ਤੇ ਰਾਜਧਾਨੀ ਨਏਪੀਤਾਵ ਵਿਚ 27 ਸਾਲਾਂ ਦੀ ਕੈਦ ਦੀ ਸਜ਼ਾ ਕੱਟ ਰਹੀ ਹੈ। ਮਿਆਂਮਾਰ ਵਿਚ ਇਕ ਦੇਸ਼ ਵਿਆਪੀ ਸੰਘਰਸ਼ 2021 ਵਿਚ ਫੌਜ ਦੁਆਰਾ ਚੁਣੀ ਗਈ ਸਰਕਾਰ ਨੂੰ ਬੇਦਖਲ ਕਰਨ, ਸੂ ਕੀ ਨੂੰ ਕੈਦ ਕਰਨ ਅਤੇ ਜਮਹੂਰੀ ਸ਼ਾਸਨ ਵਿਚ ਵਾਪਸੀ ਦੀ ਮੰਗ ਕਰਨ ਵਾਲੇ ਅਹਿੰਸਕ ਵਿਰੋਧ ਪ੍ਰਦਰਸ਼ਨਾਂ ਨੂੰ ਦਬਾਉਣ ਤੋਂ ਬਾਅਦ ਸ਼ੁਰੂ ਹੋਇਆ।